Saturday, May 15, 2021
spot_img

مرسڈیز کی خلائی طیارے جیسی فلیگ شپ الیکٹرک کار متعارف

مرسڈیز نے اپنی الیکٹرک گاڑی ای کیو ایس کو متعارف کرادیا ہے۔

کمپنی کے مطابق ای کیو ایس کو اس طرح ڈیزائن کیا گیا ہے جو ہمارے صارفین کی توقعات سے بھی زیادہ بہتر ثابت ہوگی۔

اس گاڑی کا اندرونی ڈیزائن کسی کار کی بجائے مستقبل کے خلائی طیارے جیسا محسوس ہوتا ہے جبکہ اس کے ڈیش بورڈ لگ بھگ مکمل طور پر اسکرینز پر ڈھکا ہوا ہے۔

مجموعی طور پر 3 اسکرینیں 56 انچ کے خم گلاس سرفیس پر موجود ہیں، جس میں ایک مسافروں کی اسکرین بھی ہے جو ڈرائیور کو نظر نہیں آتی۔

کمپنی نے گاڑی کی قیمت تو فی الحال نہیں بتائی مگر انداہ ہے کہ اسے خریدنے کے لیے کم از کم ایک لاکھ ڈالرز خرچ کرنا ہوں گے۔

بنیادی طور پر یہ گاڑی ٹیسلا کے مقابلے پر متعارف کرائی گئی ہے مگر مرسڈیز کا ڈیزائن زیادہ منفرد ہے۔

ای کیو ایس کا بیرونی ڈیزائن ایس کلاس مرسڈیز گاڑیوں سے ملتا جلتا ہے تاہم فرنٹ سے کچھ مختلف بھی ہے۔

یہ پہلی الیکٹرک گاڑی ہے جو مرسڈیز کے نئے پلیٹ فارم کا حصہ بنی ہے اور اس میں جدید ٹیکنالوجی سے لیس بیٹریز موجود ہیں۔

اس الیکٹرک گاڑی میں موجود بیٹری 516 ہارس پاور اور 611 ٹورکیو پاور فراہم کرتی ہے جبکہ فل چارج پر یہ گاڑی 478 میل تک سفر کرسکے گی۔

گاڑی میں مسافروں کے تحفظ اور آرام کے لیے متعدد فیچرز دیئے گئے ہیں۔

ان فیچرز میں ڈرائیور اسسٹ سسٹم قابل ذکر ہے جو گاڑی کی رفتار اور بریکنگ کو کنٹرول کرتا ہے جبکہ دیگر فنکشنز جیسے سوئچنگ لینز یا گاڑی کو اپنی لین میں رکھنے کو بھی کنٹرول کرتا ہے۔

اس میں اگیومینٹڈ رئیلٹی سسٹم بھی موجود ہے جو ہیڈ اپ ڈسپلے کے ذریعے تھری ڈی گرافکس ظاہر کرکے ڈرائیور کو منزل کے بارے میں آگاہ کرتا ہے۔

Advertisementspot_img

Related Articles

Stay Connected

148,181FansLike
8,890FollowersFollow
1,236SubscribersSubscribe
- Advertisement -spot_img

Latest Articles

- Advertisement -spot_img