Thursday, July 29, 2021
spot_img

ندا یاسر کی ماتھا پٹی پر سوشل میڈیا صارفین کی تنقید!

مارننگ شو کی میزبان ندا یاسر کی تصویر سوشل میڈیا پر وائرل ہورہی ہے اور تصویر پر صارفین کے تنقیدی تبصرے جاری ہیں۔

گڈمارننگ پاکستان کی میزبان ندا یاسر رمضان المبارک میں نجی چینل سے ’’شانِ سحور‘‘ نامی پروگرام کی میزبانی کررہی ہیں۔ حال ہی میں ندا یاسر کی پروگرام کے سیٹ سے تصاویر وائرل ہورہی ہیں۔ جن میں ندا سندھی اور بلوچی پرنٹ والا نہایت خوبصورت لباس پہنے ہوئی ہیں۔ لیکن سب سے دلچسپ چیز ان کے ماتھے پر موجود جیولری (ماتھا پٹی) ہے۔

یہ ماتھا پٹی بالکل اس طرح لگ رہی ہے جیسی ترک ڈرامے میں حلیمہ سلطان پہنتی ہے۔ تاہم سوشل میڈیا میڈیا صارفین کو ندا یاسر اس حلیے میں کچھ زیادہ پسند نہیں آئیں۔

بعض سوشل میڈیا صارفین نے انہیں ماتھا پٹی کی وجہ سے چائنا کی حلیمہ سلطان کہا جب کہ زیادہ تر لوگ ان کے چہرے پر کی گئی سرجری کو تنقید کا نشانہ بناتے رہے۔ ایک صارف نے لکھا ماتھا پٹی (ماتھے کی جیولری) تو ٹھیک ہے لیکن ندا یاسر کا چہرہ اتنا سوجا ہوا کیوں ہے؟

ایک صارف نے لکھا سرجری اور بوٹوکس نے اچھے بھلے انسان کی شکل ہی بگاڑ دی ہے۔ ایک اور صارف نے ندا یاسر کی چہرے پر کروائی گئی پلاسٹک سرجری پر تنقید کرتے ہوئے کہا اس نے ایک دن مائیکل جیکسن بن جانا ہے۔

زیادہ تر صارفین ندا یاسر کی سرجری، بوٹوکس اور فلرز پر تنقید کرتے نظر آئے جب کہ ایک صارف نے تو انہیں بالی ووڈ اداکارہ راکھی ساونت قرار دیدیا۔

Advertisementspot_img

Related Articles

Stay Connected

147,135FansLike
8,890FollowersFollow
1,236SubscribersSubscribe
- Advertisement -spot_img

Latest Articles

- Advertisement -spot_img