Saturday, May 15, 2021
spot_img

اداکار اکشے کمار کا کورونا متاثرین کیلئے ایک کروڑ روپے کا عطیہ

بھارت میں جاری کورونا کی سنگین صورتحال کے باعث بولی وڈ ایکشن ہیرو اکشے کمار نے کورونا سے متاثرہ مریضوں کی مدد کے لیے ایک فلاحی تنظیم کو ایک کروڑ روپے عطیہ کردیے۔

انڈیا ٹوڈے کی رپورٹ کے مطابق اکشے کمار نے کورونا مریضوں کی مدد کے لیے یہ خطیر رقم سابق بھارتی کرکٹر گوتم گمبھیر کی فاؤنڈیشن کو عطیہ کی ہے۔

گوتم گمبھیر نے ٹوئٹر پر انکشاف کیا کہ اداکار اکشے کمار نے ان کی تنظیم کو ایک کروڑ روپے عطیہ کیے۔

انہوں نے کہا کہ یہ رقم نوول کورونا وائرس کی عالمی وبا سے متاثرہ افراد کی مدد کے لیے عطیہ کی گئی ہے۔

گوتم گمبھیر نے لکھا کہ ‘دکھ کے اس وقت میں ہر مدد ایک امید کی کرن کی طرح ہے، ضرورت مندوں کی مدد کے لیے کھانے، ادویات اور آکسیجن کے لیے ایک کروڑ روپے دینے کا شکریہ’۔

اکشے کمار نے گوتم گمبھیر کی اس ٹوئٹ پر جواب دیا اور بحران جلد ختم ہونے کی خواہش کا اظہار کیا۔

انہوں نے کا کہ ‘ یہ انتہائی مشکل وقت ہے، مجھے خوشی ہے کہ میں مدد کرسکا، خواہش ہے کہ ہم جلد اس بحران سے نکل سکیں’۔

اکشے کمار اس سے قبل بھی متاثرہ افراد کی مدد کے لیے عطیات دیتے رہے ہیں۔

گزشتہ برس انہوں نے کورونا وائرس ریلیف کے لیے پی ایم کیئرز فنڈ کو 25 کروڑ اور ممبئی پولیس فاؤنڈیشن کو 2 کروڑ روپے عطیہ کیے تھے۔

انہوں نے آسام کے وزیراعلیٰ کے ریلیف فنڈ کو بھی ایک کروڑ روپے عطیہ کیے تھے جب ریاست سیلاب سے متاثر ہوئی تھی۔

اکشے کمار نے 2015 میں چنائی فلڈ ریلیف میں بھی ایک کروڑ روپے عطیہ کیے تھے۔

Advertisementspot_img

Related Articles

Stay Connected

148,181FansLike
8,890FollowersFollow
1,236SubscribersSubscribe
- Advertisement -spot_img

Latest Articles

- Advertisement -spot_img