Thursday, July 29, 2021
spot_img

‘افریقہ کی تاریخ’ پر دنیا کا واحد قلمی نسخہ کس ملک کی کونسی لائبریری میں ہے؟

سعودی عرب کی کنگ عبدالعزیز لائبریری میں ‘افریقہ کی تاریخ’ پر دنیا کا واحد قلمی نسخہ موجود ہے۔

عرب میڈیا کی رپورٹ کے مطابق یہ نایاب نسخہ شہرہ آفاق مورخ اور ادیب ابراہیم بن القاسم القیروانی کی تصنیف ہے، مصنف کا انتقال 425 ہجری میں ہوا تھا اور یہ ’ابن رقیق‘ کے نام سے مشہور ہیں۔

کنگ عبدالعزیز پبلک لائبریری میں موجود قلمی نسخے پر 7 ویں صدی ہجری کی شروعات کی تاریخ درج ہے، نسخے میں درج کئی سرخیاں سونے کے پانی سے لکھی گئی ہیں۔ اس قلمی نسخے کا ابتدائی اور آخری حصہ کٹا ہوا ہے۔ یہ اندلسی رسم الخط میں تحریر ہے۔ کتاب کے بعض حصے کو دیمک نے بھی متاثر کیا۔

دیمک کے حملوں کے باعث نسخے کی بعض عبارتیں اور جملے پڑھنا مشکل ہے، ترمیم شدہ نسخے میں حاشیے میں اصلاحات اور آسان زبان میں تبصرے ہیں، یہ قلمی نسخہ افریقہ کی تاریخ کا اہم مرجع ہے۔

ابراہیم بن القاسم القیروانی کی تخلیق میں موسی بن نصیر، حسان بن نعمان اور زھیر بن البلودی کے ہاتھوں فتوحات کی تاریخ سمیت عقبۃ بن نافع کی سربراہی میں اسلامی فتوحات کے آغاز اور القیروان شہر کے قیام کی تفصیلات درج ہیں۔

خیال رہے کہ کئی کتابوں کے شہر آفاق مصنف ابراہیم بن القاسم قیروان 388 ہجری میں مصر منتقل ہو گئے تھے وہاں سے پھر القیروان چلے گئے تھے۔ خیال کیا جاتا ہے کہ ان کا انتقل القیروان میں ہی ہوا تھا۔

Advertisementspot_img

Related Articles

Stay Connected

147,135FansLike
8,890FollowersFollow
1,236SubscribersSubscribe
- Advertisement -spot_img

Latest Articles

- Advertisement -spot_img