Saturday, April 17, 2021
spot_img

فیس بک کا نیا شاندار فیچر متعارف

سب سے بڑی سوشل نیٹ ورکنگ ویب سائٹ فیس بک نے صارفین کے لیے نیا زبردست فیچر متعارف کرا دیا۔

تفصیلات کے مطابق فیس بک انتظامیہ نے نیا فیچر متعارف کرا دیا ہے، اس فیچر کے بعد اب صارفین دوسروں کے تبصروں (کمنٹس) کو کنٹرول کر سکیں گے۔

یہ ایک شان دار فیچر ہے جس کے ذریعے صارف اپنی پوسٹ پر اپنی مرضی کے لوگوں کو کمنٹ کرنے کی اجازت دیں گے، اور وہ دوسروں پر کمنٹ کرنے پر پابندی بھی لگا سکیں گے۔

صارفین کو اب یہ سہولت بھی میسر ہوگی کہ وہ اپنے دوستوں کے علاوہ دیگر لوگوں کو پوسٹ پر کمنٹ کرنے کی اجازت نہ دیں۔

واضح رہے کہ سماجی رابطوں کی ویب سائٹ نے یہ فیچر نفرت انگیز مواد پر قابو پانے کے لیے متعارف کرایا ہے، جس کے تحت صارف کمنٹنگ آڈیئنس کو منتخب کر سکے گا۔

اس فیچر کی مدد سے فیس بک صارف کی تمام پوسٹس صرف انھی افراد کو نظر آئیں گی جنھیں صارف نے دیکھنے کی اجازت دی ہوگی۔

یاد رہے کہ رواں ماہ فیس بک انتظامیہ نے سیاسی و شہری گروپس کی صارفین تک رسائی کو محدود کرنے کا بھی اعلان کیا تھا۔

Advertisementspot_img

Related Articles

Stay Connected

148,181FansLike
8,890FollowersFollow
1,236SubscribersSubscribe
- Advertisement -spot_img

Latest Articles

- Advertisement -spot_img